حول صورتك إلى شكل فرعوني خلال ثوانٍ الترند المصري اللي كسر السوشيال ميديا

خلال الأيام الأخيرة، انتشرت موجة جديدة على مواقع التواصل الاجتماعي تحمل طابعًا مصريًا أصيلًا، وهي تحويل صورة البروفايل إلى شكل فرعوني، الترند بدأ على “تيك توك” و”فيسبوك” بسرعة هائلة، وشارك فيه الآلاف من المستخدمين بتصميمات تظهرهم كأنهم ملوك وملكات من عهد الفراعنة، في هذا المقال، نرصد لك خطوات سهلة لتحويل صورتك إلى شكل فرعوني خلال دقائق، بدون برامج معقدة أو مهارات تصميم.

الخطوة الأولى: اختيار صورة مناسبة

أول وأهم خطوة هي اختيار صورة واضحة لوجهك بخلفية سادة أو بلون موحد، كلما كانت الصورة مضيئة ووجهك ظاهرًا بوضوح، كانت النتيجة أكثر دقة وجمالًا بعد التحويل، خد بالك الصور اللي فيها ابتسامة خفيفة أو نظرة مستقيمة للكاميرا بتدي نتيجة أفضل في الموديلات الذكية.

الخطوة الثانية: استخدام أداة التحويل الفرعوني

فيه أدوات ومواقع مجانية بتوفر قوالب فرعونية جاهزة بتعتمد على الذكاء الصناعي.
من أشهرها حاليًا:

• Artguru.ai
• Bing Image Creator
• Fotor AI Portrait
• كل اللي عليك إنك ترفع الصورة وتكتب في الوصف (prompt) مثلاً:

“Egyptian pharaoh portrait style, ancient Egypt outfit, golden background”
وخلال أقل من دقيقة، هتطلعلك الصورة في شكل ملك فرعوني واقعي جدًا.

الخطوة الثالثة: تعديل الصورة لتناسب البروفايل

بعد ما تحمل الصورة، استخدم أي تطبيق بسيط زي Canva أو PicsArt لقص الوجه أو ضبط الإضاءة والألوان.
اختار خلفية ذهبية أو رمزية فيها نقوش مصرية بسيطة وده بيخلي الصورة أكثر فخامة وجاذبية لما تحطها بروفايل.

الخطوة الرابعة: شاركها على السوشيال ميديا بطريقة ذكية

قبل النشر، اكتب وصف خفيف أو جملة طريفة زي:

“من أيام توت عنخ آمون وأنا كده ”
ده النوع اللي بيخلي الناس تتفاعل وتشارك بسرعة، وبيساعد إن صورتك تدخل الترند مع الباقين.

الترند الفرعوني الجديد مش مجرد موضة رقمية، لكنه فرصة لطيفة نعبّر بيها عن هويتنا المصرية بشكل مبدع ومضحك في نفس الوقت، جرب بنفسك، وحول صورتك لشكل فرعوني ملكي بخطوات بسيطة، وشارك النتيجة مع أصدقائك — يمكن صورتك تكون التريند الجاي.