انهمر حسين الشحات نجم الفريق الأول لكرة القدم بالنادي الأهلي، في البكاء خلال حديثه عن زوج والدته، موجهًا له رسالة مؤثرة، مشيرًا إلى أنه من رباه هو وأخوته.
وقال حسين الشحات خلال حديثه في بودكاست «فايق ورايق في المونديال»: «انا مشفتش ابويا لأنه توفى وانا عندي 6 شهور وأغلب الناس مش عارفة المعلومة دي عشان انا جوز والدتي مكنتش بقوله غير يا بابا».
وأضاف: «كنت بحبه حب مش طبيعي وانا كنت عايز اغير اسمي ويبقى على اسمه الله يرحمه هو والدي حرفيا هو اللي ربانا كلنا وهو اللي علمني كورة وكان بيروح ويرجع معايا التمرين كل يوم ودايما كان بيشجعني».
وتابع: «عمري ما حسيت مرة واحدة في حياتي انه بيعاملني معاملة زوج والدتي طول عمري بشوف منه حنية الأب وعمري ما حسيت إن ابويا أتوفى وإني يتيم غير أما هو مات، نفسي يبقى موجود معايا دلوقتي».
